الحلقة الثانية من برنامج على الهوا سوا
فقرة بنات عائلات
حنتكلم فيها عن السخرية
طبعا السخرية موجودة على طول في لسانا
حتى لو هزار
مع انها حاجة مش كويسة
وطبعا السخرية حرام
لان ربنا نهاها فى قوله الكريم
﴿ يَا أَيُّهَا الَّذِينَ آَمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ ﴾
نيجى نفسر آلآية
الآية بتقول
ان مينفعش ناس تسخر من ناس
ولا نساء من نساء
ممكن يكونوا احسن منهم عند ربنا
يعني لو بالمثل
وحدة شكلها حلو فشافت وحدة مش حلوة
او جمالها اقل منها
تفضل بقي تعايب عليها -_-
وممكن الى مش حلوة ديه
تبقي احسن منها عند ربنا
وطبعا زى ما بيقولوا الجمال مش كل حاجة
فمنفرحش بجمالنا يعني
طيب عارفين الحديث الي بيقول
(المسلم أخو المسلم لا يظلمه ولا يخذله ولا يحقره)
معنى الحديث ان المسلم ميظلمش اخو المسلم وميخذلهوش فى آمر كان طالب مسعدته فيه
ولا يحقره .. يحقره المقصود منها يسخر منه
او يقلل من شأنه
وكمان الرسول وصانا بعدم السخرية
فى قوله :
ألا يسخر المسلم من أخيه المسلم، فلا يقول: هو فقير، أو نحيف، أو رفيع، أو سمين.
وبعدين اكيد لما تسخري من حد فى حاجة
الحاجة ديه حتبقي عندك
زى ما عبد الله بن مسعود رضي الله عنه قال : (والله لا آمن أن سخرت من كلب أن يقلبني الله عز وجل إلى كلب)
كان بيخاف يسخر من كلب لاحسن ربنا يقلبه كلب
اتخيلي بقي انتى بتسخري من عيب فى إنسان او إنسانة
ممكن يبقي بكل سهولة عندك !
فياريت نبطل سخرية بجد
حتي عشان ميبقاش العيب ده فيكي !
---
يارب تكون حلقتي عجبتكم
معلش هي حلقة بسيطة جداً
استنونا فى حلقة جديدة من برنامج فى الهوا سوا
