السلام عليكم ورحمه الله حبيباتي
انهارده هنعمل تورته بالكيكه الاسفنجيه من مطبخى سهله وبسيطه وسريعه التحضير وطعمها روعه انا هنا جبت من اللي كان موجود عندى ماشترتش حاجه مخصوص والله يعنى الحاجات اللي زينت بيها كانت موجودة أساساً
فأي حاجه موجوده عندك هتزيني بيها
اولا هنعمل الكيك الاسفنجيه بمكونات بسيطة الطريقه عملتها قبل كده
⤵⤵⤵⤵
الكيك الاسفنجيه من مطبخي بالصور، طريقه تحضير الكيك الاسفنجيه الناجحه بالصور
هنا بقي هنسيب الكيك يبرد على الأقل ٦ ساعات عشان يبقي ماسك نفسه ونعرف نتعامل معاه وبعد كده بسكينه سخنه نقطع ( هنسخن ماء ونحط فيه السكينه ) اللي هنقطع بيها
الكريمه دى كنت جايباها جاهزه اللي هى في ظروف ونضربها
طيب مش عاوزه دى اقولك طريقه تانيه
طريقه تحضير الكريم الشانتيه وخاصة في الجو الحار
ربع كيلو كريمه شانتيه خام ( المتحده افضل نوع )
٥٠ جرام باسترى كريم
١٠٠ جرام سكر عادي
٣٥٠ الي ٤٠٠ ملى ماء بثلح
هنضرب كويس بالمضرب لحد ماتعلى معانا
