أفكار وحيل مطبخية
1- السفن آب مشروب غازى داخل فى صناعته ثانى أكسيد الكربون ... نفس القصة الخميرة ... داخل فى صناعته ثانى أكسيد الكربون ..
لما العجين بيتعرض للحرارة ... بيخرج ثانى أكسيد الكربون تارك مكانه فراغات ومسامات ... ده اللى بيدى الهشاشة للبيتزا ..
*لو عندك خميرة ضعيفة ... ممكن تنشطيها بشوية سفن ...
*مش لازم تعجنى بالسفن بالكامل ... كل اللى بتحطيه عبارة عن مواد رافعة من زبادى لخميرة ..
*تخمير جيد .. حرارة شديدة للفرن ... سر نجاح أى معجنات ...
*التخمير فى التلاجة معروف بالتخمير البطىء .. يعنى ممكن تسيبى عجينتك من بالليل للصبح عادى .. مع مراعاة ان نسبة الخميرة تكون أقل من المعتاد فى التخمير العادى علشان ميبنش طعم الخميرة ..
2- تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه.
3- العيش الفينو قبل ماتعمليه سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر للبانيه والفراخ المقرمشة.
4-ضيفي للباذنجان المخلل نعناع ناشف مع التوم.
5-للبشاميل ضيفي جبنه مثلثات او كريمي وقشطة وجبن رومي مبشورة و٣ ملاعق مايونيز
وعلي الوش موتزريلا.
6- قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد.
7-اكياس الشاي مترميهاش سقعيها وحطيها علي عينك للاجهاد.
8- ضيفي للرز باللبن كيس كريم شانتيه.
9-وانتي بتقلي البانيه حطي ملعقة زبدة مع الزيت هيبقي زي المطاعم .:0451:
