ازيكم يااجمل حوريات
يارب تكونوا بخير
عاملين ايه فى الجو التلج ده
جايبالكم النهارة قرص طرية محشية ملبنا الفطار
و لعشا خفيف مع كوباية شاى بلبن
المقادير والطريقة
5 كوب دقيق -نص كوب سمن سايح-نص كوب زيت -2كوب لبن دافى
معلقة كبيرة خميرة فورية- ذرة ملح-ملبن للحشو
الطريقة
ننخل الدقيق ونسيح السمن ونحطه على الدقيق مع الزيت ونفركه كويس وبعدين ندوب الخميرة بمعلقة سكر وربع كوباية مية دافية ونحطهم على الدقيق
ندوب الملح فى اللبن الدافى ونعجن كويس لحد اتصير عجينة متماسكة ملساء سهلة التشكيل (لوالعجينة اخدت اللبن كله و احتاجت رشة مية نديها)
نسيب العجينة ترتاح فى مكان دافى نص ساعة ونشكلها بتقطيعها
كور صغيرة ونحشيها بالملبن
ونزينها بالشوكة ونرصهم فى صوانى
وبعد حوالى ساعة نخبزها
وده شكلها
طعمها جميل جدا وسهلة كمان
ناعمة وهشة وزى الفل
اتمنى موضوعى يعجبكم وتجربوه