طبعا كتير مننا مع كتر الضغوط اللى علينا واننا
غالبا بنكون حاطين الاكل على النار وسايبينه
وبنعمل مليون حاجة تانية فى نفس الوقت
بيحصل كتيير مع الرز بالذات او المحشى واحنا
سايبينه على النار وبنعمل حاجة تانية برة المطبخ
بنفاجىء بريحة الشيااااااااااااط وساعتها طبعا
بنزعل
وتبدأ سيمفونية يا لهوووووووى ويا خرابى
وياخسارة تعبى ويا خسارة الفلوس وجوزى
على وصول ولو ما لقاش الأكل جاهز هيزعل
وهيبقى شكلى وحش
طب والحل؟؟؟؟؟؟؟؟؟؟؟؟؟؟؟؟؟؟
مش ح تصدقوا حاجة موجودة فى كل بيت
تجرى زى الشاطرة وتجيبى رغيف عيش عادى
اللى عندك بلدى فينو كله شغال وتروحى بلاه
كويس اوى بالمية وتحطيه على وش الحلة
وتقفلى الحلة كويس وتستنبيه كدة ربع ساعة
بعدها ح تلاقى الرغيف هو اللى بقى ريحته يععع
والرز بقى ولا كأن حصله حاجة
وتكتمى بقة على عملتك الحلوة يا فالحة .....
وممكن لومتاح بطاطساية مسلوقة تحل محل العيش
لو عجبكم الموضوع واستفادتم منه ادعولى دعوة حلوة
بصلاح الحال ....واوعوا تنسوا التقييييييييييييم
المصدر: منتدى عدلات