" لا يسخر قوم من قوم "
الايه دي مهمه جدا ع فكره فيها نهي صريح وواضح عن السخريه
مش من حق اي انسان مهما كان منصبه او علمه او مستواه انه يسخر من انسان تاني
تحت اي ظرف
ليه بتكلم ف الموضوع دا
لسبب بسيط ان الموضوع حرفيا زاد عن حده
من فتره كدا كان في ايفنت ع الفيس بوك باسم احكيلنا سبتوا بعض اذاي
و واحده مسيحيه كتبت ان زوجها توفى وكانت بتحبه جدا
وكميات الاسفاف ال حصل ف الكومنتات
اصلا انتو كفار وتستاهلوا ، ربنا بيعاقبكوا عشان مش مسلمين ، لا حول ولا قوة الا بالله روحي لاي شيخ واشهري اسلامك احسن ، في جهنم وبأس المصير
وكلام كتير يقرف
ومن يومين كدا انشر صوره ل اتنين من ذوي الاحتياجات الخاصه اتجوزوا
وكميه ال الكومنتات
الزواج دا لا يجوز ، هما اذاي يعملوا كدا مش كانوا يفكروا ف عيالهم ، احسنلهم مش يخلفوا عشان الموضوع مش ينتشر
في ايه انتو مالكوا ومال الناس يعني ماشاء الله كلكوا كاملين وبتصطادوا اغلاط الاقل منكم
مالها المسيحيه اما تزعل ع زوجها هي مش بشر
دا سيدنا محمد بكى على عمه وفضل يدعيله ربنا يخفف عنه العذاب مع انه مات
كافر بالله كافر بالله كافر بالله وتحتيها مليون خط
والمسيحيه مؤمنين بوجود ربنا مش هتحزن ع زوجها
ومالهم ذوي الاحتياجات الخاصه اما يتجوزوا بعض يعني معلش هو حضرتك وانت سليم كدا هتوافق تتجوز واحده منهم ولا يقدر واحد عنده ظروف من دي يتقدم لوحده طبيعيه
هو انتو لا بترحموهم ولا سيبينهم يرحموا بعض
اتقوا الله ... الحكم ع البشر ف ايد الخالق لوحده هو منصبش حد فيكوا عشان يصدر احكام
خليكوا ف حالكوا شويه وارحمونا من التخلف والعنصريه ال بتنشروها دي
شوهتوا الدين ولوثتوه بقله معرفتكوا وتحليلكم وتحرمكم ع مزاجكم
اتقوا الله ودعوا الخلق للخالق هو ادرى باعمالهم
وصلحوا نفسكوا بدل ما عاملين فيها قضاه ع الناس
