السلام عليكم
ماهو التقليد؟
وماهى طرق التغلب عالتقليد الاعمى؟
التقليد الاعمى للغرب هو اسوأ انواع التقليد
بما انو يخالف عقيدتنا الاسلامية بمثال:-
الملبس..
الغرب لاملة لهم بمعنى اصح انهم غير مسلمين يعنى عمرهم ماهيلبسو حاجه تناسب دينا ولا لبسنا ولا حجابنا
تقليد اعمى انى اروح البس بنطلون ضيق وبلوزة قصيرة ضيقة على حجابى لمجرد بس انى عايزة ابقى زى الاجانب وماكونش رجعية
الاكل..
عايزة امسك الشوكة بالشمال والسكينة باليمين علشان ابقى مودرن ودة تقليد غربى برضو لانهم بياكلو وبيشربو بالشمال
دى مش شياكة ولا اتيكيت
سيد الخلق سيدنا محمد علية الصلاة والسلام علمنا الاتيكيت وفن احترام الاخرين بدينا واخلاقنا
الكلام..
طبعا الكلام بقى مش محتاج حوار
الناس دلوقتى بتتكلم انجليزى برضو علشان يبقو مودرن او هاى كلاس
والله مش بالكلام بالاخلاق الحميدة وبرضو تعامل الناس
زى مثلا واحدة ابنها هيعمل حاجه هينط نطة او هيجرى تقولو
1..2
.3 go
طيب ماهو عادى لو قولتى واحد. اتنين .تلاتة .ابدأ
انا نفسي نبطل طريقة الفرانكو ارب فالكلام دى
رسولنا الكريم علمنا الدين وعلمنا القرأن
طيب انتو تعرفو ان كثرة قرأة القرأن بتخفف اللسان وتجعلة اكتر لباقة
مش تعليم الانجليزى ولا الفرنساوى
الصداقة بين ولد وبنت..
طبعا احنا عارفين انو فى بنات كتير دلوقتى بيصاحبو شباب ويقولو صداقة اخوية ودة لمجرد انى اكون متحضرة وابطل جهل ورجعية واعيش زى الناس الناجحة والغرب
اولا دة حرام حرام
ثانيا مافيش حاجه اسمها صداقة ولد وبنت
البنت تصاحب البنت والولد للولد
طرق توعية الشباب والبنات والاطفال من التقليد الاعمى للغرب
( عقدة الخواجة)....
1.اول حاجه لازم يكون عندى ثقة فى نفسي وقدراتى واكون واثقة ومتأكدة ان انا احسن بدينى وبخلقى ولبسى المحتشم واعرف انو انا كدة انيقة واشيك من اى واحدة كاسية عارية
2.لازم اعتز بلغتى وقرأنى وعروبتى الجميلة
واعرف انو انا طالما ربنا خلقنى مسلمة عربية اكيد ربنا بيحبنى اوى
3. بلاش ناخد ممثلين ومشاهير الغرب قدوة
خلى قدوتى انسان صالح
4..كلمة اخيرة هنصح بيها البنات
نفسي كل بنت تشوف فى نفسها واحدة من امهات المؤمنين مش اشوف نفسي فى ممثلة او مغنية اكيد هتبقى حياتى اسعد وافضل برضا ربنا سبحانة وتعالى
اخيراااااا...ارجو ان يكون كلامى عجبكم دا كلام نابع من جوايا
..ام مالك115..
