دعاء الأم قبل متذاكر لعيالها:
اللهم اني استودعتك صحتي و مرارتي و قاولوني و حنجرتي و احبالي الصوتية و ضغط دمي و سكري عشان هقوم اذاكر للعيال...
يارب لو جالي شلل يكون مؤقت و اتعافي منه لإن محدش بيستحمل عيال حد، مش عشاني.
يارب اجعل حرقة الدم و التوتر ده في ميزان حسناتي...
يارب اديني السلام النفسي اللي يخليني استغرب الناس اللي بتحط جنبها الشبشب و هما بيذاكروا لعيالهم و اقول ليه بيعملوا. كده...الموضوع مش مستاهل...
يارب افرغ علي قلبي السكينة و الهدوء و ابعدني عن الجلطات...
يارب صبرني علي المناهدة و دخول التواليت و الجوع و العطش و طلباتهم اللي ما بتخلصش اول ما نقول يا مذاكرة...
يارب قدًرني لإن لسه ورايا طبخ و مواعين و خناقات و شد شعر مع العيال..
يارب اقف جنبي..انا بنت ناس والله و ماليش في المرمطة دي...
#دعاء_الامهات_قبل_المذاكرة
