ازيكم حبايبي العدولات كل سنة وانتم طيبين بمناسبة حلول الشهر الكريم
اعاده الله علينا بالخير واليمن والبركات جيبالكم انهردة وصفه سهلة لطريقة عمل
الكنافة بالقشدة ان شاء الله تنول اعجاب الجميع
المقادير: (تكفي 6: 8 شخص)
نص كيلو كنافه طازة (مقدار يكفي لصينية)
علبة قشطه يفضل الانواع التاليه قشطة تاج او قشطة ندك او مراعي
مقدار من الشراب (3 كوب ماء ، 3 كوب سكر ، 1 ليمونه , 1 كيس فانيليا )
ملعقتين سكر سنترفيش
الطريقة :
تجيبي صينية وسط زي مانتي عايزة مدورة او قلب
وتكسير الكنافه الى حجم صغير ويفضل انك تحطيها في الفريزر وبعد كده تكسريها وهيا مجمده
للتكسير السريع وبعدين تدوبي الزبده على نار هادئه
وتخلطيها مع الكنافه
وتضعي طبقة كنافه في الصينيه عن طريق الرش وبعدها تكبسيها باليد مثل الصوره
لتحضير القشدة :-
اخلطي القشدة وضعي عليها ملعقتين من السكر وقلبيها
وبعدين حطي طبقة القشدة علي طبقة الكنافة الاولي وبعدين غطيها بالطبقة الثانية من الكنافة
وبعدها اكبسيها براحة ايدك شوية عشان ميبقاش فيها فجوات (فتحات) او القشدة تنشف
وتسهل السواء متفكش منك
وحطيها في الفرن وشغلي الفرن من تحت على حراره متوسطه واذا حمر من تحت هتلاقي
اطراف الصينيه اتحمرت فشغلي الشوايه من فوق وحمري الوش
وبعدها ضعي العسل (الشراب) على الكنافه وهيا حاره (الشراب بارد والكنافه ساخنه او العكس)
الطبق ده للعدولة اللي هتجري تقيملي
وبكده نكون خلصنا اختم موضوعي بالدعاء
المصدر: منتدى عدلات