والباتيه من انواع المعجنات المورقة الهشة اللي في طريقتها االاصلية انها تتطبق وتتفرد
ونسيبها ترتاح وبتااااخد شوية وقت
والنهاردة بامر الله هنعملها باسهل طريقة وهيطلع مورق وطبقات برده
بس بدون فرد وطوي الباتيه ومش بياخد وقت ابدااا ان شاء الله
وبيعمل كمية رااائعة ماشاء الله وبينفع للعشا او الفطار
ومشبع ولذيييييذ اوووي بفضل الله
وبسم الله نبدأ الباتيه المورق الهش باسهل طريقة ان شاء الله
بسم الله المقادير
4 كوب دقيق منخوول مع معلقة كبيرة بكينج بودر
معلقة كبيرة خميرة ندوبها في 3 ملاعق كبيرة مية ومعلقة صغيرة سكر
نص كوب زبادي يعني علبتين زبادي جهينة وزن العلبة الوااااحدة 80 جرام
بيضة كبيرة - نص كوب زيت - 3 ملاعق كبيرة مية للعجن
3 ملاعق كبيرة سكر بودرة - نص معلقة صغيرة ملح
نص كوب زبدة بااااردة مقطعة مكعبات صغيرة لتوريق الباااتيه
حشوات الباتيه
وممكن نختار حشوة واااحدة بس
نص كوب جبنة بيضا - ثمن كيلو بسطرمة - نص كوب شوكولاتةشيبسي
بسم الله الطريقة السهلة اوووي
في بولة نحط الدقيق المنخول مع البكينج بودر والسكر والملح والبيضة
والزبادي والزيت والسكر والملح
وبعدين ندوب الخميرة بطبق صغنون ونحطها عالدقيق وبقية المكونات
وبعدين نعجن العجينة دقيقة كده هنلاقي لسة في قاع البولةدقيق
نحط دلوقتي المية ونعجن عشان تبقى كورة وتلم مع بعضها
ولما تبقى كورة زي كده
نعجن العجينة دلوقتي لمدة 10 دقايق كويس اووي
وبعدين بعد عجن لمدة 10 دقايق نسيبها في البولة وندخلها الفرن مطفي
ونسيبها تخمر لمدة ساااااعة ونصف داخل الفرن المطفي
ودلوقتي نروح نقطع نص كوباية زبدة باااردة من الثلاااجة لمكعبات صغيرة
بالسكينة ونحطها في الثلاجة بعد التقطيع عشان تفضل بااااردة
على بااال مااا العجينة تخمر ان شاء الله
ودلوقتي نروح نقطع نص كوباية زبدة باااردة من الثلاااجة لمكعبات صغيرة
بالسكينة ونحطها في الثلاجة بعد التقطيع عشان تفضل بااااردة
على بااال مااا العجينة تخمر ان شاء الله
وده شكلها بعد ماخمرت بفضل الله
دلوقتي نفرد العجينة كلها بايدينا كده لمستطيل
ونطلع النص كوب الزبدة المتقطعة من الثلاجة ونحطها بنص المستطيل زي الصورة
ونطبق العجينة عشان نغطي الزبدة ونقفل كويس اوووي
وبعدين نكور العجينة بدون مانعجن واي قطعة من الزبدة نلاقيها طالعة بره نحاول نطوي العجينة عليها عشان تفضل الزبدة جوه العجينة
زي الصورة وطبعا الزبدة بالطريقة دي هتكون جووه مستخبية
دااخل العجينة
دااخل العجينة
وبعدين نقسم العجينة نصين وناخد نص وااحد بس
والنص التاني نحطه في كيس في التلاجة على بااال مانفرد النص الاول
ونرش الرخامة بدقيق زي كده ونبتدي نفرد ان شاء الله
ونفردها لمستطيل سمك مش تخين اوووي ومش رفيع اوووي
عشان العجينة ماتموتش حبيباتي من كتر الفرد بقوة والضغط عليها بالنشابة ممكن مايخليش العجينة تنفش
يعني نخلي سمك العجينة متوسط هيبقى راائع مش تخين اووي ولا رقيق اوووي
والعجينة فيها خميرة وهتورق وتنفش ان شاء الله
والزبدة واضحة طبعا ورااائعة جوه
وهيا دي اللي هتورق الباتيه ان شاء الله
منقول
المصدر: منتدى عدلات