مساء الخير ياعدولات وطبعا
النهاردة جيبالكم الطريقة عمل السابلية وهو بسكوت
خفيف زى البتيفور بس بيضه قليل للى عنده مشاكل مع البيض
المقادير
4 كوب دقيق
2كوب سمن
كوب سكر بودرة
بيضتين كبار او 3 صغيرين
فانليا -معلقة صغيرة بيكنج بودر -ذرة ملح
التزيين
شيكولاتة خام وفارماسيلا
سكر بودرة ومربى
الطريقة
نضرب السمنة كويس اوى بالمضرب الكهربا
ثم نضيف السكر ونكمل ضرب
ثم البيض والفانليا ونضرب الى ان يصبح قوامها كريمى
ثم باقى المكونات ونقلب كويس لحد ماتباة عجينة طرية وسهلة الفرد
لو مش متماسكة ممكن تزوديها معلقتين لبن
ونسيبها ترتاح شوية ونفردها جوة كيس نايلون كبير بالشكل ده
ونقطعها بالقطاعات ونحاول نكرر الرسمة مرة سليمة ومرة مفرغة من النص كدة
ونخبزها على نار هادية ونحشيها بالمربى ونرش سكر بودرة على الوش
او نلزقها بالشيكولاتة وبعدين نغطيها بالفارماسيل
وتقدم بالف هنا وشفا ياعدولات
ولحفظها نشيلها فى علبة محكمة مغلفة بالسوليفان
وجوة التلاجة عشان الشيكولاتة ماتسيحش