السلام عليكم ورحمة الله وبركاته حبايب قلبي
انا سعيده جدا بايكم ياعدولات
حقدم لكم اليوم باتيهاتي وكرواسوناتي اللي عجبت زوجي
المقادير الكرواسون
نص كيلو دقيق منخول
معلقه صغيره بيكنج بودر
معلقتين كبار خميره فوريه
معلقتين كبار سكر
٣٠٠ملل لبن يعني ٣اكواب مج الزجاج
بيضه
ربع كوب زبده او سمنه سايحه
لدهان الوجه صفار بيضه ومعلقه خل
الطريقه نضع كل المكونات علي بعض ونضيف
اللبن بالتدريج لحد ماتلم معانا العجينه وتبقي مطاطه كده
نسيبها تخمر نص ساعه
نقطعها كور
نفرد كل كوره ونعملها علي شكل دايره ونحطها علي جنب
ونفرد التانيه ونحطها فوق الاولانيه وبينهم ندهن زبده
ونعمل التالته ونحطها فوق التانيه وهكذا اخر
واحده نعملها كبيره ونحطها فوق الطبقات
بحيث انها تغطيها كلها نقطعها ارباع وكل ربع علي اتنين
ونحشيها شيكولاته وندهن وشها وندخلها فرن ١٧٠درجه لحد
ماتحمر ونطلعها نرشها ببخاخه ميه
ونقفل عليها وبالهنا والشفا
انتظروني في الباتيه بالجبنه