السلام عليكم ورحمة الله
ازيكم ياعدولات
والله انا كان نفسي من زمان احكى معاكم فى المشكلةدى واسمع رايكم
والحمدلله جت الفرصة والسبب هية جيجي القمر
ندخل بقي اية فى المشكلة
عندى خالتى عندها تلات اولاد وابوهم اتوفى وهما صغيرين جدا
وهية اللى تعبت وشقيت عليهم لحد ماكبرو واتعلمو وربنا كرمهم وبقو مستواهم الاجتماعى مرتاح جدا
اتنين منهم اتجوزو والكبير خلف
والتانى بقالو سنة متجوز وربنا مكرمهوش
المشكلة بقى هية اية
كانت زوجة ابنها التانى بتروحلها كل يوم بحكم انها ساكنة جنبها وبحكم ان زوجها برضو بيصرف فى بيت امو
مع مرور الوقت اللى هوة كام شهر البنت زهقت وبقت مش عايزة تروح
وبدأت تزهق خالتى لحد مااتعركت مع خالتى
وسابتها يوم الوقفة فالعيد اللى فات وزوجها فالشغل
جوزها عندة محل راحتلو وقالتلو امك شتمتنى وبهدلتنى
واتصل بامو وبهدلها علشان خاطر مراتو مع ان امو تعبانة ومش بتقدر تمشي
واتصل بأمى انا اللى هية تبقى خالتو
وقالها اختك عملت وسوت هية هتفضل قاعدلنا كدة مش هتموت وهتعد تقرفنا وانا مش هجبلها حاجة بعد كدة خليها تنزل على ايديها ورجليها وتجيب حاجتها طبعا امى صعبت عليها اختها اقعدت تعيط ومقدرتش ترد علية وقفلت السكة
عدى العيد مرحش لامو ولا اتصل بيها حتى
انا بقى رحت قولت لماما تعالى نحاول نصلح علشان خاطر خالتى
اتصلنا بمرات ابن خالتى وندمت
وكلمناها وقولتلها اعتبريها زى امك ودى ست كبيرة ومريضة
راحت تقولى دى زى الفل خالتك ماتتعشرش قدام جوزها
قولتلها انتى مترضيهاش على امك حرام
قالتلى ربنا يسهل وقفلت وراح جوزها اتصل بامى وقالها ازاى بنتك تزعق لمراتى وازاى تكلمها بطريقة وحشة انتو مش على حق
وراحت عملتلى حظر عالواتس
وانا مردتش اكلمها ولا اعملها حاجة لان زوجى قالى خلاص متكلميهاش
انتو اية رأيكم ....
بزمتكم دة هيشوف يوم حلو فى حياتو
وعلى فكرة مراتو كل ماتحمل بتسقط
انا كنت مصحباها وهية اصلا من بلد تانية ملهاش حد هنا فقولت ابقى صاحبتها
اتكلمت عليا وحش من غير ماعملها حاجة
القصة دى حقيقية والله مش متألفة وانا بحكيها بدموعى عشان خالتى بس
بجد اية اللى ممكن يتعمل معاهم هما الاتنين
