عدولاتى الحلوين انا مش هرغى كتير
انا بس القصة دى حصلت لوحد اعرفها من بعيد
اولا هية بنت عمرها 15 سنة من الارياف وحلوة اوى
جالها يوم عريس معاه فلوس ابوها وافق وجوزها فى ظرف اسبوع من غير مايجبلها اى حاجة
اتجوزت اقعدت فى شقة جميلة خرجت واتفسحت
بعد شهر من الجواز جوزها اخدها لابوها وسابها ومشي
هية راحت لابوها فى اية يابابا مشي وسابنى لية
ابوها قالها خلاص هوة مسافر وطلقك البنت انهارت وهية مش فاهمة اى حاجة لية طلقنى وسابنى انا مزعلتهوش
جالها واحد تانى بنفس النظام ونفس الموضوع اتكرر
اية بقي اللى بيحصل واحد فى بلدهم يعرف ناس كتيرة
بيجو يتجوزو البنات الغلابة ويعطى ابوها فلوس مقابل انو يتجوزها اسبوعين او شهر
حاجة تقرف طبعا
وطبعا هية صغيرة جدا ومش فاهمة حاجة
فضل ابوها يجوزها لحد 6مرات وكل مرة بياخد خمسين الف جنية ومش مهم بنتو المهم الفلوس بيتاجر بيها
البنت هربت منو ومستخبية فى مكان ما
تفتكرو انها ممكن تحب وتتحب وتتجوز ولا كدة خلاص حياتها انتهت
تخيلو بنت عندها واحد وعشرين سنة ومتجوزة ست مرات
انا بجد مش عارفة اقول اية
انا حبيت احكى القصة دى علشان كل البنات ياخدو بالهم
اوعى تتغرى بالفلوس
دا مش اسمو زواج دا حرام
انتو اية رايكم
